Mayın 7-də 5 nömrəli uşaq incəsənət məktəbi "9 may Qələbə gününə" həsr olunmuş konsert keçirib. Konsert zamanı qeyd olunub ki, İki dəfə Sovet İttifaqı Qəhrəmanı Həzi Aslanov, Sovet İttifaqı Qəhrəmanları İsrafil Məmmədov, Aslan Vəzirov, Adil Quliyev, Ziya Bünyadov, Gəray Əsədov, Məlik Məhərrəmov, Mehdi Hüseynzadə, generallar Mahmud Əbilov, Akim Abbasov, Tərlan Əliyarbəyov, Hacıbaba Zeynalov və bir çox başqaları öz şücaətləri ilə xalqımızın tarixinə yeni səhifələr yazıblar. Sonra konsertdə bütün şöbələr üzrə şagirdlər çıxış ediblər və rəsm ixtisası üzrə şagirdlərin rəsmləri sərgilənib.