5 aprel 5 nömrəli Uşaq İncəsənət məktəbindən Qara Qarayevin 100 illik yubileyinə həsr olunmuş xatirə gecəsi keçirilmişdir. Tədbirdə nəzəriyyə şöbəsinin müdiri Bağırzadə Zənfirə çıxış edərək, görkəmli Azərbaycan bəstəkarı və pedaqoq, SSSRİ xalq artisti Stalin, Lenin mükafatları laureatı, sosialist əmək Qəhrəmanı, Azərbaycan SSRİ Dövlət mükafatı ,SSSRİ Ali Sovetin Deputatı, ictimai xadim bütün bunlar dünya şöhrətli Azərbaycan mədəniyyətinin ən görkəmli nümayəndəsindən biri Qara Əbülfəz oğlu Qarayev 1918-ci ildə fevralın 5-də Bakıda ziyalı ailəsindən anadan olmuşdur. Onun atası məhşur alim, həkim-pediator idi, eyni zamanda milli musiqini sevirdi və bilirdi. Qara Qarayev Üzeyir Hacıbəyov ənənəsini davam etdirərək Azərbaycan musiqisində yeni yollar açmışdır.O musiqidə "Qarayev şərqi" adlandırıan musiqi dili yaratmışdır. O məhəbbət və mübarizə, təbiət və insanın qəlbi haqqında musiqi yazırdı, musiqi səslərində fantastik aləmi, arzular, həyat sevinci və ölüm soyuğunu əks etdirə bilirdi Qarayev dünyası əlçatmaz zirvədir. Daha sonra məktəb şagirdlərinin ifasında bəstəkarı "6 uşaq pyesi" məcmuəsindən "Düşüncə", "Şən hadisə","Fırfıra", "Marş", "İldırımlı yollarla" baletindən "Rəqs", "Mən sizi sevidim" romansı, "Yeddi gözəl" baletindən "Vals", "Eskiz" səsləndi. Tədbir çox maraqlı keçitdi.Hər kəs maraqla dinlədi.

https://www.youtube.com/watch?v=khsJ8T6JhTI

Martın 27-də Bakı Şəhər Mədəniyyət və Turizm Baş İdarəsinin təşkilatçılığı ilə 3, 4 və 5 nömrəli uşaq incəsənət məktəbləri rəsm sinfi şagirdlərinin 4 nömrəli uşaq incəsənət məktəbində 31 Mart Azərbaycanlıların Soyqırımı gününə həsr edilmiş "Unudulmaz faciə" adlı birgə sərgisi keçirilib. Bakı şəhər Mədəniyyət və Turizm Baş İdarəsinin Musiqi təhsili və incəsənət sektorunun müdiri Bətulə Məmmədəliyeva, məktəb direktorları və qonaqlar balaca rəssamların yüz il tarixi olan bu qanlı günə öz kiçik dünyalarından yanaşaraq təqdim etdikləri 100-dən artıq maraqlı əl işləri ilə tanış olublar. Sərgini Azərbaycan Respublikası Rəssamlar İttifaqının sədri, Xalq rəssamı Fərhad Xəlilov açaraq bu günün tarixindən, faciəmizdən danışıb. Tədbirdə Əməkdar incəsənət xadimi, sənətşünas Ziyadxan Əliyev soyqırım tarixi, rəssamların bu mövzuya aid çəkdikləri sənət əsərləri haqqında maraqlı məruzə ilə çıxış edib. Tədbir boyunca müxtəlif sənədli filmlərdən soyqırıma aid tarixi kadrlar göstərilib. "Təsviri sənət həftəsi" çərçivəsində keçirilən tədbirlər sırasında yer alan bu sərgi qonaqlar tərəfindən müsbət qiymətləndirilib. Sərgidə incəsənət məktəblərinin fərqlənən şagirdlərinə Rəssamlar İttifaqı tərəfindən diplom və hədiyyələr təqdim edilib.