25 may tarixində 5 nömrəli Uşaq İncəsənət məktəbi Azərbaycan Xalq Cümhuriyyətinin 100 illiyinə həsr olunmuş konsertini Qobustan dövlət tarixi-bədii qoruğunuda keçirtdi.Konsertdə rəqs sinifinin rəngarəng rəqsləri ifa olundu. Daha sonra saz,qarmon, xanəndə,nağara sinifinin şagirdlərinin ifasında musiqi nömrələri ifa olundu.Məktəbimizin skripka ixtisası üzrə məzunu Cavadov Məhəmməd də öz ifası ilə diqqəti cəlb etdi. Sonda xatirə şəkilləri çəkdirildi.

Mayın 22-də Bakı Şəhər Mədəniyyət Baş İdarəsinin 5 nömrəli uşaq incəsənət məktəbində Ulu Öndər Heydər Əliyevin 95 illik yubileyinə həsr olunmuş "Tarix yazan şəxsiyyət" adlı hesabat konserti keçirilib. Konsertə Bakı Şəhər Mədəniyyət Baş İdarəsinin rəisi Vüqar Zeynalov və digər əməkdaşlar, Bakı musiqi məktəblərinin direktorları və başqa qonaqlar iştirak ediblər. İlk öncə məktəbin şagirdlərinin əl işləri və rəsmlərindən ibarət sərgi ilə tanışlıq olub. Daha sonra konserti incəsənət şöbəsinin müəllimi Haqverdiyeva Aynurə açıq elan edərək, Ulu Öndər Heydər Əliyevin incəsənətə və mədəniyyətə göstərdiyi qayğıdan, keçdiyi həyat yolundan məlumat verib. Konsertdə fortepiano, xalq çalğı və nəfəsli alətlər şöbəsinin şagirdləri Q.Qarayevin, F.Əmirovun, Kulau, Ə.Tağıyevin və s. bəstəkarların əsərlərini ifa ediblər. Konsertin sonunda Baş İdarənin rəisi Vüqar Zeynalov fərqlənən şagirdləri fəxri fərmanla təltif edib, məktəbin kollektivinə yeni-yeni uğurlar, nailiyyətlər arzulayıb.

18 may tarixində məktəbimizin müəllim və şagirdləri Sahil qəsəbəsində yerləşən Müşviq əlilər evində konsert proqramı ilə çıxış etmişlər. Konserti məktəbinin xanəndə ixtisası üzrə müəllimi Həsənov Mirəli təşkil etmişdir. Konsertdə məktəbin şagirdlərinin və müəllimlərinin ifasında musiqi, rəqs nömrələri ifa olunmuşdur. Daha sonra Müşfiq əlilər evində olan uşaqlara məktəbimizin şagirdlərinin hazırladıqları hədiyyələr təqdim olundu.