Mayın 22-də Bakı Şəhər Mədəniyyət Baş İdarəsinin 5 nömrəli uşaq incəsənət məktəbində Ulu Öndər Heydər Əliyevin 95 illik yubileyinə həsr olunmuş "Tarix yazan şəxsiyyət" adlı hesabat konserti keçirilib. Konsertə Bakı Şəhər Mədəniyyət Baş İdarəsinin rəisi Vüqar Zeynalov və digər əməkdaşlar, Bakı musiqi məktəblərinin direktorları və başqa qonaqlar iştirak ediblər. İlk öncə məktəbin şagirdlərinin əl işləri və rəsmlərindən ibarət sərgi ilə tanışlıq olub. Daha sonra konserti incəsənət şöbəsinin müəllimi Haqverdiyeva Aynurə açıq elan edərək, Ulu Öndər Heydər Əliyevin incəsənətə və mədəniyyətə göstərdiyi qayğıdan, keçdiyi həyat yolundan məlumat verib. Konsertdə fortepiano, xalq çalğı və nəfəsli alətlər şöbəsinin şagirdləri Q.Qarayevin, F.Əmirovun, Kulau, Ə.Tağıyevin və s. bəstəkarların əsərlərini ifa ediblər. Konsertin sonunda Baş İdarənin rəisi Vüqar Zeynalov fərqlənən şagirdləri fəxri fərmanla təltif edib, məktəbin kollektivinə yeni-yeni uğurlar, nailiyyətlər arzulayıb.

18 may tarixində məktəbimizin müəllim və şagirdləri Sahil qəsəbəsində yerləşən Müşviq əlilər evində konsert proqramı ilə çıxış etmişlər. Konserti məktəbinin xanəndə ixtisası üzrə müəllimi Həsənov Mirəli təşkil etmişdir. Konsertdə məktəbin şagirdlərinin və müəllimlərinin ifasında musiqi, rəqs nömrələri ifa olunmuşdur. Daha sonra Müşfiq əlilər evində olan uşaqlara məktəbimizin şagirdlərinin hazırladıqları hədiyyələr təqdim olundu.

May ayının 12-də Respublika üzrə keçirilmiş İncəsənət olimpiadasında məktəbimizin şagirdləridə iştirak edib. Rəqs sinifin "Sahil" rəqs qrupunun şsagirdləri 1-ci yer (müəl: Bayramova Zəminə),tar ixtisası üzrə Abullayev Amin 3-cu yer, Ağayev Misir-laureat (Müəl: Quliyev Etibar), kamança ixtisası üzrə Abdullayev Ramin-laureat (Müəl: Zamanzadə Zaur),Abbaslı Nazlı,İsrafilzadə Lamiyə- laureat (Müəl:Rzayeva Ləman) adına layiq görülmüşlər. Şagirdlərimizi təbrik edir, onlara yeni-yeni uğurlar arzu edirik.

22 may tarixindən saat 12:00-da 5 nömrəli Uşaq İncəsənət məktəbində Ulu Öndər Heydər Əliyevin 95 illik yubleyinə həsr olunmuş "Tarix yazan şəxsiyyət" adlı hesabat konserti keçiriləcək.

11 may tarixində 5 nömrəli Uşaq İncəsənət məktəbinin xalq çalğı və nəfəsli alətləri üzrə "Buta" ansamblının konserti keçirilmişdir.Ansamblın bədii rəhbəri Asəf Dəvrişlidir. Konsertdə xalq mahnları, bəstəkar mahnıları ifa olundu. Sonda məktəbin direktoru Emin Nağıyev ansamblının bədii rəhbərin və şagirdləri təbrik etdi, onlara uğurlar arzuladı. Sonda xatirə şəkilli çəkdirildi.