Mayın 26 - da 5 nömrəli uşaq incəsənət məktəbi 28 may - Respublika gününə həsr olunmuş konsert keçirib. İlk olaraq, məktəbin müəllimi E.Baxışova çıxış edərək, bildirib ki, 28 may tariximizə Respublika günü kimi daxil olub. Xalqımız hər il bu günü böyük təntənə ilə qeyd edir. Daha sonra şagirdlərin ifasında musiqi və rəqs nömrələri ifa olunub.

Mayın 22-də 5 nömrəli uşaq incəsənət məktəbində nəzəri fənnlər üzrə olimpiada keçirilib.Məktəbin direktoru Emin Nağıyev komandalara ayrılmış üzvlərə uğurlar arzulayaraq qeyd edib ki, artıq ənənənə halını almış bu olimpiada şagirdlərin nəzəri biliklərini daha da möhkəmləndirməkdir. Daha sonra nəzəriyyə şöbəsinin müdiri Zənfirə Bağırzadə çıxış edərək, olimpiadanın üzvlərini və komandaları təqdim edib. Sonda məktəbin direktoru E.Nağıyev komandaların hamsını təbrik edib qalib gələn komandanın üzvlərini diplomla mükafatlandırıb.

Mayın 17-də 5 nömrəli uşaq incəsənət məktəbində xalq çalğı və nəfəsli alətləri şöbəsinin 1-ci sinif şagirdlərinin məktəbdaxili müsabiqəsi keçirilib. İlk olaraq, müsabiqənin münsiflər heyəti təyin edilib. Sonra şagirdlərin ifasında Azərbaycan və Avropa bəstəkarlarının əsərləri ifa olunub. Müsabiqədə bütün ixtisaslar üzrə şagirdlər çıxış ediblər. May ayının 22 də isə qaliblərin konserti keçirilib və qaliblər diplomlarla təltif olunub. Sonda məktəbin direktoru Emin Nağıyev çıxış edərək şagirdləri təbrik edib, müsabiqələrin davamlı olmasını arzulayıb.