Dekabrın 27-də 5 nömrəli uşaq incəsənət məktəbində ümumi fortepiano, ansambl müşayiət sinifinin şagirdlərinin konserti keçirilib. İlk öncə məktəbin şagirdi Milanə Məmmədli çıxış edərək ifa edəcək şagirdlərə uğurlar arzulayaraq konserti açıq elan edib. Sonra şagirdlər M.Nəsirbəyov, L.V.Bethoven, M.Qlinka, Ə. Abbasov, A.Motsart, F.Əmirovun əsərlərini ifa ediblər. Sonda xatirə şəkilləri çəkdirilib.

Dekabr ayında keçirilmiş Azərbaycan Respublikasının dövlət müstəqilliyinin bəroa edilməsinin 25 illiyinə həsr olunmuş uşaq, yeniyetme və gənclərin rəsm və əl işlərindən ibarət "Müstəqil Azərbaycanım" adlı Respublik musabiqə-sərgisi keçirilmişdir. Həmin müsabiqədə məktəbimizin şagirdi Qasımova Bəsti fəxri fərmanla təltif olunmuşdur.

Dekabrın 15-də 5 nömrəli uşaq incəsənət məktəbinin "Ömrün çalarları" adlı sərgi keçirilib. Sərgi Rusiya İnformasiya və Mədəniyyət Mərkəzində təşkil olunub. İlk öncə Rusiya İnformasiya və Mədəniyyət Mərkəzinin rəhbəri, Rusiya səfirliyinin məsləhətçisi Denisov Balentin Petroviç çıxış edərək, məktəb kollektivini salamlayıb. Burada balaca rəssamların əl işləri nümayiş etdirilib. Sonra məktəbin nəzəriyyə şöbəsinin müdiri Zənfirə Bağırzadə çıxış edərək, məktəbin şagirdlərinin sərgisinin keçirilməsinə şərait yaratdıqlarına görə məktəb kollektivi adından təşəkkürünü bildirib. Məktəbin kollektivi adından Rusiya İnformasiya və Mədəniyyət Mərkəzinə rəsm kompozisiyasını hədiyyə edib. Daha sonra mərkəzin nümayəndələri və məktəbin kollektivi sərgi ilə tanış olublar. Şagirdlər çəkdikləri rəsmləri tamaşaçılara izah ediblər. Sonda xatirə şəkilləri çəkilib.

12 dekabr 5 nömrəli Uşaq İncəsənət məktəbi Ulu Öndər Heydər Əliyevin anım günü qeyd etdi. İlk öncə məktəbin incəsənət şöbəsinin müəllimi Haqverdiyeva Aynurə çıxış edərək qeyd etdiki, Azərbaycan xalqının tarixində və taleyüklü məsələlərin həllində müstəsna xidmətləri olan tarixi şəxsiyyətlər, görkəmli siyasət və dövlət adamları çox olmuşdur. Bunlar zaman-zaman gördükləri böyük işləri və əməlləri ilə yadda qalmış və unudulmamışlar. Heydər Əliyev dünyanın nadir, unikal, seçilən siyasət adamı idi. O, dünya siyasətinə təsir etmək gücündə olan lider idi. Liderlər var ki, siyasi fəaliyyət, dövlət idarəetməsi sahəsində uzun illər çalışıb püxtələşdikdən sonra tanınırlar. Elə adamlar da var ki, bu, onlarda fitrən mövcuddur, genlərində kodlaşdırılıb, bir sözlə, ilahi vergidir. Buna Allahdan lider deyirlər. Heydər Əliyev məhz ikincilərdəndir. Digər vacib məqam səlahiyyət məsələsidir. Heydər Əliyev tək Azərbaycan səviyyəsində deyil, keçmiş ittifaq səviyyəsində, hətta Qərb miqyasında sözünün keçəri, urvatı olan lider idi. O, beynəlxalq səviyyədə düşünməyi və təhlillər aparmağı bacarırdı. Bu iki məqam onu həmkarlarından əhəmiyyətli dərəcədə fərqləndirən professional cizgilərdəndir. Heydər Əliyev böyük siyasət üçün yaranan, təkcə bir ölkə miqyasında yox, dünya əhəmiyyətli məsələlərin həllində qətiyyətli sözünü deyə bilən nadir siyasətçi idi. Onun bu sahədəki fitri istedadı və fövqəladə qabiliyyəti, hadisələrin və tarixin gedişatını öncə görmək məharəti siyasət aləminə qədəm qoyduğu ilk günlərdən özünü büruzə vermişdi. Prezident İlham Əliyevin rəhbərliyi ilə ölkəmizdə bütün sahələrdə aparılan uğurlu islahatlar, əldə olunan nəticələr xalqın sabaha olan inamını qat-qat artırmış, Heydər Əliyev yolunun layiqincə davam etdirildiyinə, memarı olduğu müstəqil Azərbaycanın etibarlı əllərdə olduğuna möhkəm əminlik yaratmışdır. Ulu öndər Heydər Əliyev siyasətinin Prezident İlham Əliyev tərəfindən uğurla davam etdirilməsini aydın görən xalqımız bu siyasəti yüksək dəyərləndirir və onun ətrafında daha sıx birləşirlər. Cənab İlham Əliyev ulu öndərin siyasi kursunu layiqincə davam etdirməklə, xalqımızın və dövlətçiliyimizin bu kursun mahiyyətindən doğan milli maraqlarını beynəlxalq miqyasda təmin edir. Heydər Əliyev siyasətinin uğurla həyata keçirilməsi müstəqilliyimizi möhkəmləndirir, dövlətçiliyimizi qüdrətləndirir və nəticədə beynəlxalq aləmdə Azərbaycan Respublikasının rolunu və nüfuzunu artırır. Monitarda Ulu Öndər haqqında videoslatlar göstərildi. Rəsm sinifin şagirdlərinin rəsmləri sərginlənmişdir. Sonda məktəbin direktoru Emin Nağıyev çıxış edərək Ulu Öndər Heydər Əliyev haqqında öz fikirlərini söylədi.