Oktyabrın 18-də 5 nömrəli uşaq incəsənət məktəbi 18 oktyabr- Dövlət Müstəqillik gününə həsr olunmuş konsert proqramı təqdim edib. Konsert Sahil qəsəbəsində yerləşən “Aynur” uşaq bağçasında təşkil olunub. İlk öncə məktəbin müəllimi Şəbnəm Əzimova qeyd edib ki, Azərbaycanın Dövlət Müstəqilliyi günü - Azərbaycan tarixinin ən mühüm günlərindən biridir. 1991 – ci il oktyabrın 18 – dən Azərbaycan istiqlal, suveren bir ölkədir və xalq bunu bir bayram kimi qeyd edir. Sonra məktəbin şagirdlərinin ifasında musiqi nömrələri təqdim olunub, bağça uşaqları da rəqs ediblər.

Oktyabın 5-də 5 nömrəli uşaq incəsənət məktəbində Beynəlxalq Müəllimlər gününə həsr olunmuş konsert keçirilib. Konsert tədbirində ilk öncə məktəbin incəsənət şöbəsinin müəllimi Aynurə Haqverdiyeva çıxış edərək qeyd edib ki, dünyanın 100-dən çox ölkəsində ümumdünya səviyyəsində qeyd olunduğu halda, bəzi ölkələrdə müxtəlif tarixlərdə ayrıca olaraq milli səviyyədə Beynəlxalq Müəllimlər günü qeyd edilir. Sonra məktəbin müəllim kollektivi maraqlı səhnəciklərlə çıxış ediblər. Sonda məktəbin direktoru Emin Nağıyev bütün müəllim kollektivini təbrik edərək, hər kəsə uğurlar arzulayıb.