Dekabr ayının 4-də 5 nömrəli Uşaq İncəsənət məktəbində "Azərbaycan ladlarının tədrisi metodikası" mövzusunda məktəbin nəzəriyyə şöbəsinin müdiri Zənfirə Bağırzadə ustad dərs keçirtdi. Azərbaycan Respublikasının Mədəniyyət və Turizm Nazirliyinin elmi-metodiki mərkəzinin uşaq incəsənət məktəbləri üçün təsdiq edilmiş 2014-ci il proqramında fortepiano, skripka və solfecio siniflərində Azərbaycan ladlarının tədris olunması tələbləri irəli sürüldüyünə görə ustad dərsində məhz bu mövzuyla müraciət edilməsinin zəruriyyət meydana çıxdı. Ustad dərsində məktəbin fortepiano, skripka , solfeci və hətta xalq çalğı alətləri müəllimləri iştirak etdilər. Zənfirə Bağırzadə "Rast" ladının tədrisi üzərində dayanaraq ümumi metogoloji məsələləri sistemləşdirdi.

Dekabrın 15-də 5 nömrəli Uşaq İncəsənət məktəbində ruh yüksəkliyi, təntənəli əhval-ruhiyyə hökm sürürdü. Həmin günü Misir mədəniyyəti günü keçirilirdi. Misirin Azərbaycandakı səfiri xanım Suzan Cəmil Nuh və Misir məhəniyyət mərkəzinin müdiri Ahmed Sami Elaydi məktəbə təşrif buyurmuşdular. Məktəbin həyətinəd toplaşan şagird və müəllim kollektivi qonaqları musiqi sədaları ilə qarşıladı. Məktəbin direktoru Emin Nağıyev qonaqları salamlayaraq məktəbi həyatında bu görüşün əlamətdar hadisə olduğunu xüsusi vurğuladı. daha sonra xanım səfir çıxış edərək Azərbaycan və Misir dövləti arasında dərin dostluq və mədəni əlaqələri olduğunu söylədi. O məktəbə hədiyyə təqdim etdi. Məktəbdə sərgilənən şagirdlərin rəsmləri və əl işləri qonaqları çox maraqlandırdı.Sonra məktəbin zalında şagir və müəllimllərin hazırladığı konsert nümumnələri səsləndi. Tədbirin sonunda xanım səfir dəvətə görə məktəb kollektivinə təşəkkür etdi və görüşdən məmnun olduğunu bildirdi. Görüşün sonunda şagird və müəllimlərlə xatirə şəkilləri çəkildi.

12 dekabr 5 nömrəli Uşaq İncəsnət məktəbində incəsənət şöbə və nəzəriyyə şöbəsi tərəfindən Ulu Öndərin anım günü keçirildi. Tədbir Azərbaycan Dövlət Himni ilə başladı. Şagirdlərin rəsm işləri təqdim olundu. Müəllimlərimizin Ulu Öndər haqqında xatirələri danışıldı. Ümummilli liderimiz haqqında hazırlanmış videoçarx nümayiş etdirildi. Onun haqqında şerlər şagridlərimiz tərəfindən söylənildi. Ulu Öndərin xatirəsi 1 dəqiqəlik sükutla yad edildi.