V Üzeyir Hacıbəyli Beynəlxalq musiqi festivalı " Üzeyir evinin qonaqlari " layihəsində məktəbimizin gənc ifaçısı Nuriyeva Nərgiz cixiş etmişdir.

18 - 28 sentyabr 2013-cü il tarixində Heydər Əliyev Fondu və Mədəniyyət və Turizm Nazirliyi tərəfindən dahi Azərbaycan bəstəkarı Üzeyir Hacıbəyliyə həsr olunmuş V Beynəlxalq Musiqi Festivalı keçirilir. Artıq ənənə halını almış bu möhtəşəm festivalın açılışı 5-ci ildir ki, 18 sentyabr "Musiqi Günü"nə təsadüf edir. Dünyanın müxtəlif yerlərinidən gəlmiş builki festivalda Rusiya, Türkiyə, Almaniya, Fransa, ABŞ, Slovakiya və Litvadan tanınmış dirijor və solistlər, gənc, istedadlı ifaçılar, musiqi kollektivləri - Münhen Yeni Filarmonik Orkestri, BoqdanVarxal adına Slovakiya Dövlət Kamera Orkestri, "Romantik" kvarteti, "Utopik" kvarteti, Peter Rundel, Bricit Pinter, Vilija Poskute və Tomas Daukantas, Svetlana Berejnaya, V.Vorona-Viktoriya Çenskaya, Teymuraz Ququşvili, Petry Rakovitse,Varvara Nepomnyaşaya, AŞU, Nikita Volov və Daniel Tağıyev iştirak edirlər. 24 sentyabr tarixində "Üzeyir evinin qonaqları" layihəsində məktəbimizin gənc ifaçısı Nuriyeva Nərgiz cixiş etmişdir.

"Azərbaycan incəsənətinin inkişafında Heydər Əliyevin rolu" 27.09.2013 tarixində saat 15:00 da tədbir keçirilir.

20 sentyabr tarixində məktəbimizde nəzəriyyə şöbəsinin təşkil etdiyi Musiqi gününə həsr edilmiş tədbir keçirilmişdir. Tədbirdə dahi Üzeyir Hacıbəyovun həyat və yaradıcılığından bəhs olundu.Üzeyir Hacıbəyov elmi musiqişünaslığın, musiqi təhsilinin əsasını qoymuş və ömrünün sonunadək musiqi mədəniyyətinin inkişafına rəhbərlik etmişdir. O, müasir bəstəkarlıq məktəbinin beşiyi başında durmuş, onun qabaqcıl dünya bəstəkarlıq məktəbləri ilə yanaşı dura bilməsi üçün fədakarcasına çalışmışdır. Dahi bəstəkarın yaratdığı musiqi inciləri dünya şöhrəti qazanmış, dünya musiqi mədəniyyətinin qızıl fonduna daxil olmuşdur. Görkəmli musiqi xadimləri onu "professional Şərq musiqisinin atası" adlandırmışlar.